Հարթաթաթություն

Հարթաթաթություն

Հաշվի առնելով հարթաթաթության կամ տափակաթաթության տարածվածությունը, կարելի է այն համարել սոցիալական բնույթի հիվանդություն. երեխաների մեծ մասի մոտ հայտնաբերվում են հենաշարժական ապարատի էական շեղումներ, այդ թվում` նաև հարթաթաթություն: Ոտնաթաթի կառուցվածքի և ֆունկցիայի խանգարումը բացասաբար է անդրադառնում ընդհանուր առողջական վիճակի վրա` օրգանիզմի դիմադրողականությունն ընկնում է, աշխատունակությունը` նվազում, մեծանում է սկոլիոզի, կոշտուկների առաջացման վտանգը:

Մի քանի վարժություններ կարելի է կատարել՝

1.Ոտքը մերկ վիճակում դնել գնդակի վրա, այս կողմ այն կողմ տանել

2. Երկու ոտքի մեջտեղում դնել գնդակը և ոտքերով առաջ հետ տանել-բերել

3. Տարբեր խաղալիքներ լցնել հատակին, այնուհետև ոտքի մատերով հավաքել լցնել դույլի մեջ:

4. Վերցնել խողովակ, երկու ոտքերը դնել վրան, տանել հետ ու առաջ:

5. Երեխայի համար շատ օգտակար է բոկոտն քայլելը` հողի, ավազի և խոտի, տանը` գորգի վրա:

6. Ամեն օր քնելուց առաջ ոտքերը գոլ ջրով և օճառով լվացեք, թեթևակի մերսեք, օգտակար են նաև ծովի աղով
լոգանքները: Այս բոլորը հանգստացնող ազդեցություն կունենան: